Bol Behen Kya Hai?

Whatsapp Chatbot

“Mujhe mere private parts ki health ko leke kuch sawaal hain. Lekin main apni maa se puchne mein comfortable nahi hoon. Internet pe bahot saari information hai, kya sahi kya galat nahi samajh mein aa raha. Main kya karun?”

  • 17 year old girl from Jabalpur

Hi,

Sabse pehle toh hum par trust karne ke liye bahot bada thank you! Tumhara yeh sawaal bahot hi important hai. Kai baar aise hota hai ki hume humari bodies ko leke questions hote hain, curiosity hoti hai, lekin kisi bade se puchna comfortable nahi lagta. Par internet pe itni saari information hoti hai ki hum confuse ho jaate hain ki kya sach maane kya nahi. Lekin chinta mat karo, tumhare iss confusion ka solution hai humaare paas - Bol Behen!

Bol Behen Kya Hai?

Bol Behen ek AI powered chatbot hai jo tumhare sab sawaalon ka sahi sahi jawaab degi. WhatsApp aur Girl Effect naamak ek non-profit organisation ke beech hua ek collaboration, Bol Behen tum aur tumhare jaisi young girls ke health related doubts aur questions solve karne ke liye banaya gaya hai. Bol Behen ko tum apni physical health, well-being, love, relationships, sexuality aur reproductive health ke baare mein koi bhi sawaal puch sakti ho. Voh tumhe science based aur fact check karke hi answers degi. Bol Behen ko tum ek badi behen maan sakti ho jo tumhe naa toh judge karegi aur naa hi tumhe embarrass karegi. Yeh ek badi behen ki tarah tumhare question ya doubt ko samjhegi, toh tum uss par poora trust kar sakti ho. Yeh chatbot ek bilkul safe space hai jahan privacy maintain ki jaati hai toh tumhari koi bhi information kisi aur ko nahi pata chalegi.

Aksar ladkiyon ki health ke baare mein khulke baatein nahi ki jaati isiliye hume kisi se sawaal karne mein awkward lag sakta hai. Lekin yeh hamesha yaad rakhna ki tumhari health bahot important hai aur tumhe khud ka khayaal rakhne ke liye sahi information aur sahi sources ki zaroorat padegi. Aise mein Bol Behen tumhari help ke liye hamesha rahegi. Bol Behen English aur Hindi dono mein baat kar sakti hai toh tumhe jo language comfortable lage tum use kar sakti ho..

Bol Behen Whatsapp

Bol Behen Se Kaise Baatein Kare?

Bol Behen se baat karne ke do tareeke hain. Pehla - tum WhatsApp ke iss number +91-730449661 par "Hi" type karke bhej sakti ho. Ya fir iss invite link par click kas sakti ho. Bol Behen se koi bhi ladki baat kar sakti hai kyonki yeh WhatsApp jaise easy aur accessible app par available hai. Toh agar koi aise shaher mein rehta hai jahan internet ki speed kam hai ya unke paas sirf basic smartphones hai, toh bhi voh Bol Behen se baatein kar sakte hain.

Bol Behen ko sabse pehle 2020 mein Facebook messenger par launch kiya gaya tha. Vahan se kai ladkiyon tak pohonchne ke baad, ab ise Meta ki doosri company - WhatsApp pe launch kiya gaya hai jahan se yeh humari jaisi aur ladkiyon tak pohonchne ka aim rakhta hai.

Chhaa Jaa ke saath bane rehne ke liye humein follow karein:

Instagram - https://www.instagram.com/chhaajaa/

Facebook - https://www.facebook.com/chhaajaa

Youtube - https://www.youtube.com/results?search_query=chhaa+jaa

Aur humara girls only facebook group join karna matt bhoolna, jahan full on friends ke saath har time bakbak chalti rehti hai - https://www.facebook.com/groups/667075420473392