…Safe sex ke saath!
Ho sakta hai ki tum haal hi mein sexually active hui ho. Ya hone ka soch rahi ho! Yeh tumhari life ka kaafi exciting time hai – lekin savdhani se kaam lena bhi bahut important hai.
Humein friends batate hain ki pregnant na hone ke kuch aasan tareeke hain, woh bhi without condom ya contraceptive pill ke. Hum yeh sunke soch lete hain ki hum bina protection ke sex karke pregnant nahin honge agar…
- Hum pehli baar sex kar rahi ho: Pehli baar ho ya pachaasvi baar, koi guarantee nahin hai ki bina condom ya pill ke hum pregnant nahin ho sakte. Agar humari body ovulation stage mein ho, aur aise time pe hum sex karte hain, toh sperm humare ande se mil sakta hai aur hum pregnant ho sakte hain. Ovulation cycle ke baare mein jaanne ke liye apni lady doctor se baat karo.
- Sex ke time periods chal rahe hain: Periods ke dauran sex karne se pregnancy ke chances kam hote hain, lekin zero nahin. Sperm humare body mein 5 din tak reh sakte hai. To agar periods ke last day par bina protection sex karo, toh kuch dino mein pregnancy ho sakti hai.
- Ejaculate hone se pehle hi baahar nikaal de: Ejaculation se pehle ladke ke private part se thoda paani nikalta hai. Iss paani mein bhi sperm hote hain, jo humein pregnant bana sakte hain.
Unwanted pregnancy nahin chahti ho, toh apne saare doubts apni lady doctor se clear karwa lo. Ya free online doctor consultation lekar aur information pao – ab pregnancy avoid karna aasaan hai, condom ya pill ke saath!
Aur information ke liye dekhiye Khullam Khulla ke episodes - https://bit.ly/2KsVxXq.
