Bol Behen Ki Privacy Policy

Bol Behen aur Aapka Data!

Bol Behen ko UK ke NGO Girl Effect ke ek programme - CHHAA JAA ke under banaya gaya tha. Bol behen aapka ‘Data’ - yaaniki aapke baare mein information collect karta hai, apni service to behtar karne ke liye taaki yahan aapke body se related har zarurat puri kar sake. Jab hum aapka yeh data collect karte hain, toh hum aapki privacy ki respect karte hue, yeh responsibility lete hain ki usko secure aur safe tareeke se isse store karein.

Yeh chatbot sirf 18 years ya 18 se zyada age ke logon ke liye hai. Agar aapki age 18 se kam hai, toh aapka iss chatbot ko use karna sakht mana hai!

Hum puri zimmedari se aapki iss privacy aur safety ka dyan rakhte hain, yeh law ke anusaar karna bhi zaruri hai - jaise ki Data Protection and Privacy law jo humpe laagoo hota hain, kyunki aapka data ek dusre country yaani ki United Kingdom mein store hota hai.

Ye dhyaan rakhein ki jab aap Bol Behen WhatsApp ya Facebook pe use karte hai, tab WhatsApp aur Facebook bhi aapka information collect kartein hai. Ispe humara koi control nahi hai. Aap Facebook aur WhatsApp pe apni privacy aur profile settings change kar sakte hai taaki aapka kam se kam information collect kiya jaaye.

Bol Behen use karne ki wajah se, kaunsi information collect hoti hai

Aapki country aur shehar jahan ki service aap use karte ho, uske baare mein bhi information store karte hain, joki aapke Facebook Profile ke data se milti hai. Iske alawa jab aap bol behen ke zariye chhaa jaa ki website use karte ho, toh kuch aur technical methods jaise ki ‘Cookies’ se hum aapke locality ke baare mein information bhi collect karte hain. (Cookie ek aesi file hoti hai, joki aapke computer ya smartphone pe download hoti hai jab kisi bhi website ko use karte ho. Iss se wesbites aapke phone ko pehchaan leti hain aur aapke preference aur pehle wale actions ko store kar leti hain) Hum Cookies ka istemaal karte hain yeh jaan ne ke liye ki aapki locality se kitne logon ne humari website use ki hai.

Aapki permission ke bina hum kabhi bhi iss information se, aapki exact location ya ghar dhundne ki koshish nahi karenge. Aap inn ‘cookies’ ko apne browser ki settings se switch off kar sakte ho, lekin isse aapki website ke kuch functions kaam nahi karenge aur yeh user-friendly nahi hogi.

Jab aap polls, quizzes ya phir surveys mein participate karte ho, toh hum aapko apne aur apni life ke baare mein kuch information share karne ko kehte hain taaki hum aapki pasand aur preferences samajh payein. Iss par se, aap choose kar sakte ho ki aapko kya share karna hai aur kya nahi. Aesi information humein humari Bol Behen ki service ko behtar banane ke liye bohoth useful hoti hai.

Data jo aap share karte hai, bina humare puchhe

Jab aap Bol Behen ke saath engage karte ho, toh kuch aisa data hota hai jo apne aap collect hota hai. Jab aap apne comments ya questions submit karte ho, tab aap ki information jaise ki - hobbies, family, aap ke saath kya hua, aap aage kya karna chahengi, aapke thoughts aur feelings etc. bhi Bol Behen ke saath judd sakti hai. Isiliye dhyaan rahein, aap ki share ki hui information aap ki responsibility hai. Bol Behen se baat karte waqt kisi bhi tarah ki apni personal information share mat karna jisse aapki identity pata chale. Hum aap ke comments aur questions se share hue information ka use yeh samajhne ke liye karte hain ki Bol Behen ke users ke favorite topics aur stories kya hain, jisse personalisation kehte hai. Hum aapke naam ya pehchaan ko use kiye bina, aapke comments ka use kar sakte hain, jisse humare donors aur funders ko Bol Behen ke achievement ke baare mein pata chal sakein.

Agar aap Bol Behen - Facebook messenger par use kar rahi hai, toh chatbot pe share ki hui information automatically aap ke Facebook profile se connect hogi. Yeh information publicly use nahi hogi. Iska use sirf Bol Behen ke learning aur improvement ke liye hoga jisse aapko aur jaankari milein.

Third parties jinke saath hum data share karte hain

Content Partners

Yeh humein stories likhne mein aur videos banane mein help karte hain

Content Moderators

Joki consultants ya agencies hoti hain jo users ke questions aur comments review karti hain, unki safety ke liye

Data Partners

Hum inn partners ke saath data share karte hain taaki humein pata rahe ki bol behen ache se kaam kar rahi hai ki nahi, kis tarah ki cheezein users ko achi lag rahi hain, aur hum bol behen ko aur behtar kaise kar payein

Technology Partners

WENI.ai Bol Behen ke technology partner hain. Vo humein support karte hain bol behen ko sudharne mein aur uske daily functioning ke liye

Research Partners

Hum inn ke saath data share karte hain samajhne ke liye ki bol behen humare users ke liye helpful hai ki nahi

Wysa

October 2024 se hum ek naye content aur technology partner Wysa se jud rahe hain, jo ki Mental Wellbeing ke expert hain. Wysa ke saath judne ke baad, hum aapke liye mental health jaise topic par kayi saari nayi information le kar aayein hain.

Aap kya kar sakte hain

Aap apna consent withdraw kar sakte ho, aur humein aapka data process karne se mana kar sakte ho. Agar aap aisa karna chaho, toh humein dataprotection.india@girleffect.org pe email kar sakte ho aur hum aapki personal information process karna band kar denge.

Aap humein apna sabhi data delete karne ko bhi keh sakte hain. Yeh hota hai aapka ‘Right to be Forgotten.’ Agar aap chahte hain ki hum aapka sara data delete karein, toh iska matlab aapko bhi Bol Behen ki service use karna band karna hoga.

Kayi baar hum aapki information kisi research ke liye use karte hain, taki hum ladkiyon ko empower karne ka apne goal hasil kar payein. Lekin aise mein, hum vo sabhi cheezein nikal dete hain iss information se, jisse ki aapki pehchaan ho - isse ‘personally identifiable data’ kaha jata hai - jaise ki aapka naam, number wagerah. Iss ke alawa aapke baaki ki information use ki jaati hai. Aisa kuch bhi karne se pehle, hum aapko zarur batayenge. Agar aap apna data delete karwana chahte ho, toh aap humein dataprotection.india@girleffect.org par email kar sakte ho, aur questions bhi puch sakte ho.

Aap humse apni information ki copy bhi maang sakte ho ya koi corrections karana chaho, toh vo bhi kar sakte ho. Yeh aapka ‘Right to Access’ aur ‘Right to Rectification’ hota hai. Hum puri koshish karenge ki ek mahine ke andar andar aapki requests pe reply karein. Please humein dataprotection.india@girleffect.org par email karein aur hum aapko ek form denge jisse hum samajh sakein ki aap exactly kya karwana chahte ho humse.