terms

Terms & Conditions

Chhaa Jaa ko visit karne ke liye Thank You!

Hum hain ‘Girl Effect’ aur hum ‘Chhaa Jaa’ chalate hai. Hum London mein aadharit gair laabhakaree sangathan yaani non-profit organisation hain, jo aap jaise ladkiyon ko empower karne ka kaam karte hain. Humara address aur baaki information inn rules ke end mein diye gaye hain.

Zaroor saare rules padhein aur unka paalan bhi karein. Yeh rules aapko maze karne se rokne ke liye nahi, balki aapki suraksha aur Chhaa Jaa ko sahi tarah se use karne ke liye hai.

Agar aapke mann mein koi sawaal hain ya aapko Girl Effect ya Chhaa Jaa par comment karna hai toh humein contact@chhaajaa.com par email zaroor karein. Hum aapki sunne ke liye humesha ready hai!

chaajja image
chajja logo
ke rules
#੧

Hum inn rules mein, time to time changes karte rehte hain. Please dhyan rakhein ki aap recent rules ko yahaan par check karein. Hum chahte hain ki aapka anubhav humesha sabse accha ho, aur uske liye hum Chhaa Jaa ko badal bhi sakte hain aur usse kuch time ke liye band bhi kar sakte hain. Hum poori koshish karenge ki iski jaankari aap tak pahuncha paaye, lekin yeh humesha nahin ho paega.

#੨

Chhaa Jaa 16 se 19 saal ki kishoriyon yani ladkiyon le liye hai. Yadi aap 13 saal se kam umr ki hai toh please Chhaa Jaa ko use na karein kyunki yeh aapke liye nahin banaya gaya hai. Agar aap 16 saal se kam ki hai toh Chhaa Jaa use karne ke pehle apne parents ya kisi bharosemand guardian se check zaroor karein.

#੩

Chhaa Jaa ko use karte waqt zaroor yaad rakhein ki hum aapka kuch personal information collect kar rahe honge. Please humari Privacy Policy padhiye, yeh jaanne ke liye -

  • Hum kaunsi information collect karte hai
  • Hum ise kaise collect karte hai
  • Hum iska use kyun karte hai, aur
  • Adhik information kaise paa sakte hai

#੪

Chhaa Jaa par aapko health ke baare mein information milegi. Ek cheez zaroor yaad rakhein ki yeh information medical advice ki jagah nahin le sakta. Agar aapko apne health ke baare me koi vishesh sawaal ya chinta hai, toh doctor ya kisi bharosemand healthcare professional se zaroor consult karein.

#੫

Chhaa Jaa ek community ki tarah hai. Iska matlab yeh hai ki jaise Chhaa Jaa aapke liye content banata ya share karta hai, waise hi aap bhi Chhaa Jaa ke liye content bana sakte ho. Comments, blogs, tweets, podcasts, chats aur audio-visual files ityaadi, inn sab ko Chhaa Jaa ka content kaha jaata hai. Isilye, humaare saath yeh saara content share karne se pehle inn sabhi cheezon ka khayal rakhe:

  • Aap apni marzi se Girl Effect ke saath apna content share kar rahe hai jo Chhaa Jaa ki community ke anya log bhi dekh sakte hain. Yeh aur bhi important hai jab aap humaare saath personal information ya anubhav share kar rahe hain.
  • Agar aap kisi aur ke baare mein information share karna chahte hain, toh Chhaa Jaa pe share karne se pehle unse permission zaroor lein. Yeh aur bhi important hai jab aap humaare saath personal information ya anubhav share kar rahe hain.
  • Jo bhi content aap Chhaa Jaa ke saath share karein, woh aapka khud ka content hona chahiye. Agar ye kisi aur ka content hai jaise ki songs ya videos, toh share karne se pehle aapke paas unki permission honi chahiye.
  • Dhyaan rahe ki jo bhi content aap share karein usmein diya hua information bilkul sahi aur sacchi ho. Galat content bilkul na share karein.
  • Aap apni marzi se apna content Chhaa Jaa aur baaki Girl Effect ke activities (jaise ki doosron ke saath humaare kaam ke baare mein baat) ke liye de rahe hain.

#੬

Chhaa Jaa par kai aur websites aur organizations ke links ho sakte hain. Ek baat yaad rakhein ki Chhaa Jaa ke rules inn websites par apply nahi hote hain, isiliye hum aapko humesha advise karenge ki aap har website ke rules ko check karein. Chhaa Jaa inn websites ya organisations ki zimmedaari nahin le sakta aur naa hi leta hai. Jab hum seva pradaata yaani service providers ke baare mein jaankari dete hain, Girl Effect inn providers ke service quality ki zimmedaari nahi leti. Hum sirf aapko yeh saara information ek aasaan tareeke se pesh karne ki koshish mein hain.

#੭

Agar aap kabhi bhi register ya sign up karein, toh aapko ek login aur password milega. Iss information ko ek secret rakhein taaki koi aur aapki jagah Chhaa Jaa pe login na kar paye. Hum ummeed karte hain ki aap iss information ki aur iske use ki zimmedaari lein.

#੮

Hum aapse aapke anubhav ke baare mein jaanne ke liye aapse survey mein participate karne ke liye pooch sakte hain. Yeh bilkul anivarya nahin hai. Sirf tabhi survey mein bhaag lein, jab aap karna chaahe. Hum surveys aapko aur samajhne ke liye, aapke aur aapke jaisi kai ladkiyon ki kya sahayata kar sakte hai aur end mein Chhaa Jaa ko behtar banane ke liye poochte hain. Inn surveys ke results hum doosri ladkiyon ke saath bhi share kar sakte hain, lekin inn results mein aapki koi bhi personal information bilkul nahi hogi jab tak humne aapse pehle hi clearly permission na li ho.

#੯

Hum poori koshish karte hain ki Chhaa Jaa ko use karna safe aur secure ho, lekin hum guarantee nahi de sakte ki iss pe koi bhi computer virus ya haanikarak codes na ho. Agar aapke phone ya computer mein Chhaa Jaa ko use karte waqt koi nuksaan ya damage ho, iski zimmedaari Chhaa Jaa nahin le sakta.

#੧੦

Humaari poori koshish hai ki Chhaa Jaa ko safe, secure aur baki sabhi users ke liye aasaani se available rakha jaye. Iske liye humein aapki help ki zaroorat hai. Please Chhaa Jaa ko hack karna, virus daalna ya aisa kuch na karein jisse Chhaa Jaa damage ho jaye.

#੧੧

‘Chhaa Jaa’ ka naam, logo, aur platform ka design, Girl Effect dwara owned hai. Please inko kisi bhi reason ke liye use karne se pehle humse permission zaroor lein (jaise ke inka istemal sirf Chhaa Jaa ke information, content ya product ke liye nahin hai).

#੧੨

Chhaa Jaa sirf aapke personal use ke liye hai. Agar aapka koi business hai toh please aap Chhaa Jaa use na karein, kyunki ye content aapke liye nahi hai aur ye information use karne ka adhikaar aapke paas nahi hai.

#੧੩

Agar aap kabhi bhi inn sab rules ka paalan nahin karte hain toh humein future mein aapko Chhaa Jaa use karne se rokna padega (aise aur bhi kai actions ho sakte hain).

#੧੪

Agar aapko koi bhi pareshaani ho, aap kisi bhi cheez se khush nahin hain, ya aapko Chhaa Jaa par kuch galat dikha hai, toh bejhijhak humein contact@chhaajaa.com par email karein.

Hum asha karte hain ki Chhaa Jaa community ka khushi khushi saath dein!

Girl Effect ek ‘Limited’ company aur ek ‘Charity’ hai jo England, UK mein registered hai. Iska registered address hai Ingeni Building, 17 Broadwick Street, London W1F 0AX. Company ka number hai 07516619 aur humaara charity registration number 1141155 hai.