community guidelines

Community Guidelines

Chhaa Jaa sabhi ladkiyon ke liye hai!

Hum chahate hain ki ye aapke aur aap jaise kayi ladkiyon ke liye ek surakshit jagah ho isiliye khudko bilkul free mehsus kare. Lekin is jagah ko aapke liye aur baaki sab ke liye aise hi free banaye rakhne ke liye humein aapki help chahiye. Yeh aapki hi community hai. Is platform par aapko agar kuch galat dikhe toh turant report karein aur humein bejhijhak bataien. Aap humaare facebook ya instagram page par comment ke dwaara bataa sakte hain, ya phir humein contact@chhaajaa.com pe bhi email kar sakte hain.

chajja positive

chhajaa ko positive aur safe rakhne ke kuch tareke:

#੧

Humesha dusron ki HELP karein. Agar aapko kabhi lage ki kisi ke saath galat ho raha hai ya galat tareeke se treat kiya jaa raha hai, jaise harassment ya bullying, toh zaroor report karein. Kisi ka bhi galat behaviour Chhaa Jaa pe bilkul sahan na ho aur apmaan karne waalon ko ban bhi kiya jaa sakta hai.

#੨

Dusron ki RESPECT karein aur galat, rude ya apmaanjanak bhasha ka use naa karein. Ashleel language jaise sexually explicit, obscene ya offensive language allowed nahi hai. Chhaa Jaa par spam aur advertising allowed nahin hai aur agar woh dikhe toh turant remove kiya jaayega.

#੩

Khudko safe rakhein. Apni personal information kisi aur ke saath share na karein. Aisi hi kuch information jo aapko kabhi share nahin karni chahiye, woh hai:

  • Aapka real name (ek pet name banaye), aapki umr, aapka address, aapke school ka naam, aapka email address aur phone number, ya koi bhi financial information ya passwords.
  • Jinse aap online mile hai, jitna ho sake, unse asal zindagi mein na mile. Agar aapka milna zaroori hai, toh apne parents ya kisi bharosemand guardian ka saath hona bahut important hai.

Chhaa Jaa ke website ka content 16 saal ya usse zyaada umr ki ladkiyon ke liye hai. Agar aap 16 saal se kam ki hain toh aap apne parents ya kisi bharosemand guardian ke saath hi Chhaa Jaa ko visit karein.