Chhaa Jaa aapko aapki body, sehat aur health ke baare sahi aur bharosemand jaankari deni ki poori koshish karta hai. Iss jaankari ko bharosemand styaapit karne ke liye Chhaa Jaa aur humaare saare products (jaise ki Bol Behen, humaara chatbot) alag alag sootron se aur experts ki madad leta hai. Lekin humesha ek cheez zaroor yaad rakhein, ki yeh jaankari medical advice ki jagah ya replacement nahi hai. Please iss jaankari ko jimmedari se use karein aur agar aapko apni health ya body se related koi chinta ya sawaal ho toh doctor, ya healthcare professional ko zaroor dikhaiye.

Chhaa Jaa aapko sexual aur reproductive health (yaun aur prajanan swasthya) ki bharosemand jaankari deti hai. Yeh sirf aapki knowledge ke liye hai. Chhaa Jaa ya uske products aapko kabhi bhi kisi bhi prakaar ka yaun sambandh rakhne ki sifarish nahin deta. Bharat ke kanoon ke hisaab se (Protection of Children against Sexual Offenses Act, 2012 aur Indian Penal Code, 1860) yaun sehmati ki umr ya age of sexual consent, India mein, 18 years hai. Issi kanoon ke tehet, agar 18 saal ya kisi nabalik waqti ki information jaise ki yaun shoshan, hamla, hinsa ityaadi mile; toh Chhaa Jaa ka kartavya banta hai ki hum turant sahi authority ya adhikari ka pata lagwae aur report darj karein.

Agar aap Chhaa Jaa ya uske products, jaise ki Bol Behen (humaara chatbot), par register karte hain, tab hum aapki kuch kuch jaankari (information) collect karte hain, chahe aap kisi bhi jagah mein kyun na rehte ho. Hum aapka user name (jo bhi aapne choose kiya ho), umr, ling (gender), password aur aapke security questions collect karte hain. Jab aap comments, polls, surveys, competitions ya challenges mein hissa lete hain, woh saari jaankari bhi Chhaa Jaa collect karta hai. Agar aap Bol Behen (humaara chatbot) use kar rahe hain, to hum aapka Facebook naam bhi store karenge.

Hum comments aur questions mein diye information ko yeh samajhne ke liye use karenge, ki logon ko kin topics aur stories mein interest hain. Yeh hum sirf apne products (jaise Bol Behen aur Chhaa Jaa ka content) ko behtar banane ke liye use karenge. Hum kuch comments aur data humare donors aur partners ko bhi share karenge but isme koi naam ya aapke personal details share nahi kiye jaayenge!

Chhaa Jaa ya humaare products ka upyog karte waqt aapke rajya ke details bhi collect ho sakte hai. Iske ilaawa aur kai takneeki tareekon, jaise Cookies, se bhi humein aapke shehar ya gaon ke adhik jaankari mil sakti hai, jo Chhaa Jaa collect kar sakta hai. (Cookies ek tarah ki small text file hoti hai jo aapke computer ya smartphone par download ho jaati hai jab bhi aap kisi website pe jaate hain. Isse website ko pata chalta hai ki aap kis yukti ya device ke saath website ka upyog karte hain aur aapke puraane chaal-chalan ya pasand-napasand ki Information ko collect karne mein madad karta hai).

Hum Cookies ke dwaara yeh track karte hain ki aapki location se kitne logon ne humaara product use kiya hai. Hum kabhi bhi aapki location information ka use aapko locate karne ya dhundhne ke liye nahin upyog karenge. Sirf jab aapne Chhaa Jaa ya humaare products ko vishesh roop permission di ho, tab hi hum aapki location information ko use karke aapko dhoondhne ki koshish karenge.

Polls, surveys ya Bol Behen (humaara chatbot) ke upyog ke samay hum aapse aapke zindagi ke anubhavon ke baare mein ya aapke rae (opinions) ya aur bhi jaankari ki maang kar sakte hain. Humesha yaad rakhiye ki koi jabardasti nahi hai, yeh aapka decision aur choice hai ki aap kaunsi aur kitna information share karna chahte hain. Hum aapki information ko Chhaa Jaa ko aapke liye aur bhi behtar, seva mein aur jaankari mein, banane ke liye use karenge.

Yaad rahe ki Chhaa Jaa ya humare products jaise, Bol Behen (humaara Chatbot), par comment karte samay, aapki kaafi information milti hai jaise aapki hobbies, aapki family, aapke anubhav, jo cheezen aap karna chahte hain, aapke vichaar aur feelings. Jab aap comment daalte hain aapke pass option hai ki aap bina naam ya gumnaam hokar post kar sakte hain taaki aapki information na dikhe.

Hum hamesha koshish karenge ki Chhaa Jaa aapke comments pe nazar rakhein, aur yadi kuch anuchit ya galat dikhe toh usse hatta dein. Lekin aap bhi please yaad rakhein ki ye aapki responsibility hai ki aap personal information, jisse aapki aasani se pehchaan ho, share na karein jab bhi aap Chhaa Jaa pe comment karein.

Chhaa Jaa par jo comments aate hain uss information ka use karke hum samajhne ki koshish karte hain ki kaunse topics aur stories me aap interested hain, ladkiyon ko roz ki life mein humare products ke dwara diya gaya information useful tha ya nahin aur end mein hum apne products jaise Bol Behen (humaara chatbot) ko behtar kaise bana sakte hain.

Agar aap Bol Behen (humaare chatbot) ko Facebook messenger pe use kar rahe hain, toh jo information aap chatbot par share kar rahe hain wo aapke Facebook profile se jud jaati hai. Yeh information publicly share nahi ki jayegi. Hum iss information ko sirf humare chatbot ko behtar karne ki liye use karenge taaki aapko aur bhi adhik bharosemand information aasani se mile.

Aapki information sabse pehle Girl Effect ke Staff dekhenge (woh bhi jo Girl Effect ke taraf se kaam karte hai), jinhone sign kiye hai, bahut hi important agreements par jahan sabne ye promise aur confirm kiya hai ki aapki information woh bilkul safe aur surakshit rakhenge aur strict guidelines, privacy aur security ko follow karenge. Humaara staff naaki sirf savdhaani se select kiye gaye hai, balki unko inn rules aur agreements ko follow karne ki sahi training bhi di gayi hai taaki sab aapke liye, Chhaa Jaa ki community ke liye, bilkul committed tareeke se kaam karenge.

Iske saath saath Chhaa Jaa aur Bol Behen ko behtareen banane ke liye, hum aur bhi companies aur agencies ke saath kaam karte hai jinko ‘3rd parties’ bolte hain. Inn '3rd parties' ke paas bhi aapka data ho sakta hai, lekin woh iss information ka istemaal sirf aap jaisi ladkiyon se, behtar tareeke se baat karne ke liye kar sakte hain. Saare '3rd parties' se bhi hum agreement sign karwaate hai jahan woh aapki information bilkul safe aur secure tareeke se rakhna anivarya hai. Inn agreements ke mutabik ’3rd parties’ aapke information ka koi galat istemaal nahi kar sakte. Hum bahut hi careful hai '3rd Parties' ke selection ko leke.

3rd parties ki poori list ya jaankari aap dataprotection@girleffect.org par contact karke paa sakte hain. Agar aap Chhaa Jaa ya Bol Behen social media, jaise Facebook, Instagram aur Youtube, ke through use kar rahe hain toh aapko inke privacy policies bhi review karne chahiye. Jab aap Chhaa Jaa ya Bol Behen par diye gaye 3rd party websites pe click karein, humesha yaad rakhiye ki aap iss time pe Chhaa Jaa aur humaare products ke duniya se bahar, policies ke bahar, jaa rahe hain. Tab zaroor inn 3rd party website ke policies ko dekhiye aur jaane ke woh aapke information ka istemaal kaise karte hain.

Aap jab chaahen Chhaa Jaa aur humaare saare products mein se apna data delete karne ke liye keh sakte hain. Iska request ka matlab yeh bhi ho sakta hai ki aap humaare saare services ka upyog shayad na kar paaye. Isse Right to be Forgotten kaha jata hai. Hum koshish karenge ke aapka saara information poori tarah se delete kiya jaye, lekin, kabhi kabhi hum aapki information statistical ya research ke uddhesh ke liye use karte hain ya phir agar yeh information Girl Effect ko aap jaisi ladkiyon ki madad karne mein sahayta kare toh, hum isse poori tarah delete nahin kar paenge.

In cases mein hum yeh zaroor dhyaan mein rakhenge ki woh saara data jisse aapki pehchaan ho sake, woh sab data delete karenge (iss data ko ‘personally identifiable information’ kehte hain) aur baaki data aapki pehchaan gupt rakh kar hi use karenge. Agar hum aisa kuch karte hain toh aapko zaroor inform karenge. Apna data delete karne ki request ya isse judi koi bhi information ke liye humein dataprotection@girleffect.org par email karein.

Aap humse aapki data ki copy bhi maang sakte hain, chahe woh bas aapki jaankari ke liye ho ya phir information ko correct karne ke liye ho. Ise Right to Access aur Right to Rectification kehte hain. Hum poori koshish karenge ki aapki pehchaan verify karne ke baad, hum aapki request ka uttar ek mahine ke andar dein. Iss information ke liye humein dataprotection@girleffect.org par email karein. Yeh email milne ke baad aapko ek form bhar ke bhejna hoga jisse humein saaf pata chalega ki hum aapke liye kya kar sakte hain.