back
article

Sawaal Internet se nahi, doctor se poochho!

Aksar hum jaisi ladkiyan apne private parts ya breasts ke baare mein information share karne se darr jaati hain. Humein lagta hai ki agar hum in baaton ko apni maa ya koi aur bade se share karengi, toh woh humein judge karengi. Phir doosri baat yeh hai ki humein apne private sawaal khulke poochhne mein sharm aati hai.

Aise mein, hum Internet se apne sawaal pooch lete hain, taaki Google se koi jawaab mile. Maana ki Internet pe kaafi saari achchi sites hain, jo humein bahut saari information pass karengi. Lekin yeh information general hoti hai, aur ho sakta hai yeh humaare problems se match na ho. Kai sites medicines aur diet ke baare mein bhi information deti hain, jisko hum bina kisise confirm kiye follow karne lagte hain.

Unverified ya general jaankaari ka sahara lekar chalna dangerous ho sakta hai. Agar Internet se information leni hi hai, toh kisi achchi doctor se free online consultation le lo.

Koi achchi lady doctor hi problem ka solution nikaal sakti hain. Lady specialist sawaal poochkar, tests lekar pata laga sakti hain ki asal mein problem kya hai aur uski treatment kya honi chahiye. Aur har budget ki doctors available hoti hain, bas thoda research karna hai.

Har ladki ki body aur uske issues alag alag hote hain, jo sirf ek doctor hi ilaaj kar sakte hain. Internet sites se guidance lena body ke liye theek nahin hai – isse aur kai alag problems shuru ho sakte hain, aur sahi treatment lene mein der ho sakti hai.