back
article

Mujhe Blooding Hoti Kyon Hai? Periods Se Jude Paanch Facts Jo Aapko Pata Hone Chahiye

Blog 4 Cover.jpg


Periods/blooding/ menstruation/ mahwari, iss natural body process ke naam toh bahut hain par ab bhi hum in words ki khullam khulla bolne se sharmate hain. Lekin iss blog mein ham blooding ke bare mein baat bhi karenge aur isse jude kuch important facts ko bhi jannege.

Toh shuru se shuru karte hain. Periods exactly hai kya? Periods main kya hota hai? Aur periods mein kya nahi karna chahiye?

Ladkiyon ko blooding ya periods aana bahut hi common baat hai, jab hum age mein bade hote hain, toh hamari body mein apne aap kuch change aane lagte hain, isko puberty kahte hain aur isi time period ya blooding bhi shuru hoti hai.


Ab ye puberty kya bala hai?

Blog 4 creative 1.jpg


Jaisa ki humne bataaya puberty vo time hai jis mein hamari body thodi badalne si lagti hai.

Tumhein pata hai jab periods ya blooding pahli baar shuru hoti hai, tab vo regular nahi hote - pareshan mat ho, ye bilkul normal baat hai. Aur haan, ek baar periods aane shuru ho gaye, toh bass uske do-teen saal mein har mahine samay se blooding aani shuru ho jaati hai. Yaad rakhna blooding/periods har mahine 2 se 8 din tak aana normal hai!


Ladkiyon ko periods kyu hote hain? Aur periods main aakhir hota kya hai?


Puberty ke dauran jab hamari body mein badlaav aate hain, toh hormones bhi badalne lagte hain. Ye hormones har mahine body se baat karte hain, use bataate hain ki behen uterus ko taiyaar karo!

Agar hum pregnant nahi ho, toh ye uterus lining sharir se khoon ke roop mein bahar nikalti hai, isse hi hum maahwaari/periods ya blooding kahte hain.

Blooding shuru hone ke pahle wale hafte mein ladkiyan kai baar PMS se bhi guzarti hai.


Ohho, Ab Ye PMS Kya Hai?

Blog 4 creative 2.jpg


Dekho Behen, 10 mein se 9 ladkiyon ko PMS hota hi hai. PMS maane Premenstrual Syndrome. PMS aapke periods shuru hone se kuch 5-11 din pahle chaalu hota hai. Isiliye PMS aate hi adhiktar ladkiyon ko ye pata chal jaata hai ki ab unke periods shuru hone wale hain.

Aur PMS hota kyon hai?

PMS tab hota hai jab aapke periods/blooding ko control karne wale hormones aap ki body mein alag alag tarah ke badlaav aur emotions le kar aate hain.

Sach toh ye hai ki har kisi ka PMS kuch alag hota hai. Kuch logon ko halka fulka aur kuch ko bahut gande wala PMS hota hai.

Yaad rakho, agar PMS ki wajah se tum apne daily ke kaam nahi kar paa rahi ho, toh online lady doctor se consult karo.

Ab padhte hain ki PMS mein hota kya hai:

  • Periods mein pet dard hona
  • Pet ka phoolna
  • Chehre pe pimple aana
  • Breasts main dard hona
  • Thaka thaka mehsus karna
  • Mann kharab hona
  • Back mein dard
  • Muscles mein dard

Par, Periods ke baare mein itna sab jaan kar kya hi ho jaayega?

Dekho Behen, jab hum apni body aur health ke baare mein padhte aur samajhte hain, tabhi hum apne saath saath apni saheliyon aur aas paas ki ladkiyon ko bhi samjha sakte hain ki vo periods se judi myths aur afwaahon par yakeen na karein.

Aakhir periods/blooding itni common cheez hai, humein hoti hai, hamari mummy, daadi, bua, chaachi sab ko toh hoti hai. Toh fir hum kyon ghabraye, kyon sharmaaye -

Toh fir ab yaad rakhna hai,

Periods ke baare mein baat,

Ekdam khullam khulla karna hai...

Accha, tum apne periods track karti ho?

Periods track karna bahut hi zaruri hai kyuki:

  • Isse tumhein pata chalega ki tumhein blooding shuru kab hoti hai, kitne din rahti hai aur khatam kab hoti hai, saath hi flow kaisa rehta hai. Periods ka pattern samajh kar hi tum blooding ke liye ever ready reh sakti ho.
  • Ab baat karte hain ovulation ki. Dekho, ovulation se kuch din pahle aur kuch din baad pregnant hone ka chance thoda zyaada rahta hai. Agar aap bhi janna chahte hai ki ovulation kaise pata kare toh period ko track karna shuru kijiye. Isliye periods ko track karo, ovulation ke baare mein jaano aur sex hamesha safe karo.
  • Apni health aur body ko tum aur acche se samjhoge, blooding ke baare mein aur acche se jaan kar, tum apni sehat par bhi dhyaan de paaogi. Maan lo kabhi tumhara period miss ho jaata hai, ya kabhi bahut zyada aur kabhi bahut kam flow rehta hai toh iska matlab hai ki kuch naa kuch gadbad hai. Aise mein lady doctor ko dikhana bahut zaroori hai.

So behen, in sab baaton ka khayal rakhne ke liye blooding ko track karna ab aadat banaa lo, samjhi?

Periods Se Judi Vo Paanch Baatein Jo Hum Sab Ko Pata Honi Chahiye:

Ab humne periods main kya hota hai aur ovulation kaise pata kare ye toh jaan liya hai. Lekin inke alawa bhi kuch baatein hain jo hum sab ko pata honi chahiye. Toh chalo fir, aage padhte hain aur jaante hain ki periods mein kya nahi karna chahiye, aur kya karna chahiye.

  1. Period ke time bhi hum pregnant ho sakte hain

    Bade saare logon ko ye lagta hai ki periods ke time sex karne se pregnancy nahi hoti, par ye sahi information nahi hai. Haan, bleeding ke time ke pregnant hone ke chances thode kam hote hain, lekin hote zaroor hai.

    Isiliye Behen, anchahi pregnancy se bachne ke liye hamesha condom use karna. Aakhir condom sirf pregnancy nahi balki STIs aur STDs se bhi tumhein safe rakhta hai.
  2. Emergency pills lene ke baad wala period asli period nahi hota

    Emergency pills lene ke baad bhi blooding hoti hai, lekin woh asli period nahi hota. Asli periods main ovulation hota hai, tumhare hormones ka level kam hota hai aur blooding hoti hai, but pills ovulation ko rok deta hai, jo period ki tarah blooding karta hai.
  3. Periods Mein Hum Pads ke Alawa Aur Bhi Cheezein Use Kar Sakte Hain

Blog 4 creative 3.jpg


Dekho, Blooding ke dauran tumpads ke saath saath tampons aur menstrual cups ka istemal bhi kar sakti ho. Bass tarika alag alag hai. Ab tumhein flow aur hygiene ke hisaab se pads din mein 3-5 baar badalne padte hain. Par kuch options aise bhi hain jo pads se behtar hain. Jaise ki:



Blog 4 creative 4.jpg



  • Tampons:

Kai ladkiyan pads ki jagah tampons use karti hain kyuki tampons ke sath tum aaram se sports bhi khel sakti ho. Tampons rui yaani cotton ka hota hai, jise private parts ke andar dala jata hai.

Ek din mein tampons ko har 5-6 ghante mein change kar lena chahiye, tampons ko private parts ke andar 8 ghante se zyada rakhne par toxic shock syndrome (TSS) ke chances badh jaate hai, jo ki ek bacterial infection hai aur tumhari life ke liye dangerous hai.

Blog 4 creative 5.jpg
  • Menstrual Cups:

Aaj kal kaafi ladkiyaan menstrual cups bhi use kar rahi hain. Is silicone se bane cup ko bina toxic shock syndrome ke darr ke 8-10 ghante tak apne private part ke andar rakh sakte hain.

Menstrual cups ki achi baat hai ki ye leak nahi karte hain. Ye cup blooding ko tab tak rok kar rakhte hain jab tak tum cup ko bahar nikaal kar khaali na karo.

  1. Humari life ke saath saath tumhare periods bhi badalte hain

Blog 4 creative 6.jpg


Dekho Behen, tumhaari life ka first aur last period bahut hi alag hone wale hain. Jaise jaise hum bade hote hain, body mein hormones badalte rahte hain. Isliye ho sakta hai shuruaat mein tumhein har 21-45 din mein periods aaye, par dheere dheere, apne aap tumhein har 21-35 din mein periods aane lagenge. Period ki ye cycle sabke liye alag alag hoti hai.

Aur toh aur, periods ke time par exercise karna tumhari sehat ke liye faaydemand hai. Kai baar period mein pet dard halki exercise karne se kam ho jata hai, aur exercise karne se tum active bhi rahti ho.

Kai lady doctor blooding ke time light exercises karne ki salah deti hain, par agar dard bahut zyada hai ya comfortable nahi lag raha, toh exercise mat karo.

  1. Periods ke waqt hygiene pe jyada dhyan dena chahiye

    Periods ke waqt hygiene yaani saaf safai par dhyan dena bahut jaruri hota hai, aisa karne se tum kafi bimariyo se bach sakte ho. Isliye, yaad se apna sanitary pad ya tampon regularly yaani har 6 ghante change karo taaki:

Blog 4 creative 7.jpg


  • Tumhein urinary tract infection (UTI) hone ke chances kam ho
  • Private parts pe rashes naa ho
  • Cervical cancer ka risk kam ho Tumhara reproductive health theek rahe

Blog 4 creative 8.jpg


Agar tum bhi online lady doctor aur lady urologist near me google karte karte thak gayi ho, aur koi bharosemand, suljha hua doctor nahi mil pa raha, toh humare pass tumharii iss samsya ka bhi samadhan hai!

Ab online lady doctor ya online ladies problem doctor se apne periods ke baare main dil khol ke sawal pucho kyuki, Chhaa Jaa ke sath no sharmana aur no ghabrana!