Apne Lady Problems Internet Se Nahi, Online Doctors Se Puchho


Apne Lady Problems Internet Se Nahi, Online Doctors Se Puchho.jpg


Indian society mein aksar dekha gaya hai ki sex education ya private problems ke bare mein khul ke baat nahi hoti. Especially ladkiyan apne problems ke bare mein ghar par baat karne se katraati hai. Kabhi kabhi ladkiyan apni maa se bhi share karna avoid karti hai.

Aksar dekha gaya hai ki ladkiyon ko apne sharir ke baare mein zyada jaankari nahi hoti, periods, discharge aur bhi bahut saari aise takleefein hai uske baare mein khul kar baat nahi ki jaati.


Apne Lady Problems Internet Se Nahi, Online Doctors Se Puchho1.jpg


Inn topics par baat karna ajeeb toh lag sakta hai but hum bhi toh brave ladkiyan hai na! Humein inn topics ko ignore nahi karna chahiye aur apni problems ka solution dhoondhan chahiye.

Samaj ke asuloon ke hisab se in sab problems ke baare mein baat karna bura aur ashleel hai par, woh kehte hai na “The Future Is Female”, agar hum sab inn nished problems ke baare mein baat karege aur apni tarah aur ladkyion ko iske baare mein jaankari dege, toh humein ek lambi udaan bharne se koi nahi rok payega!

Aise waqt par girls apne ladies problems internet se share karti hai. Unhein lagta hai ki google par unhein unke saare sawalon ke jawab mil jayenge. Haan, yeh kuch had tak sahi hai, but puri tarah se sahi information aapko google provide nahi kar pata hai.


Apne Lady Problems Internet Se Nahi, Online Doctors Se Puchho2.jpg


Google aapko personally diagnose nahi kar sakta hai. Internet se aapko personalized solution nahi milega. Kai sites par medicines aur diet ki bhi information di hoti hai, lekin kabhi bhi personal consultation ke bina inme se koi bhi medicine ya diet ko follow na karein, varna uske side effects bhi ho sakte hai. Google par solutions dhundhne se zyada effective hai ki aap online doctor se ya kisi lady gynecologist / healthcare provider se apni lady problems ke liye consult karein.

Agar aapko lady problem doctor se personal problems share karna awkward lagta hai toh aap online doctors jo lady problems ka ilaj karte hai, unse free consultation le sakte hai. Woh aap se aap ki problem ke related questions poochhenge, jinke sahi se answers dene par unhen aapka actual problem samaj aata hai, jisse woh aapko proper direction mein guidance provide karte hai ki aage aapko kya karna chahiye. Aisa personalized solution aapko google provide nahi kar pata hai. Ek lady problem doctor ya lady gynecologist se apne problems ke liye consult karna bahut zaroori hota hai.

Alag Body Type:

Har ladki ke problems unke body type, unke environment, unki age ke hisaab se alag alag hote hai. Ho sakta hai internet se mile hue solutions kisi aur ke liye effective prove hue ho, but aapki body ya problem ke hisaab se voh effective na bhi hon, aur body mein koi nayi hi problem bhi create ho sakti hai. Internet par bhi kaafe saare achchhe lady gynecologist available hote hai. Affordable and achche doctors vale online doctors bhi aapko thoda research karne par mil jaayenge. Humne aapke liye ye online doctors dhundne ka process thoda aasan kar diya hai, aap yaha click karke, ek achche ur affordable doctor se sampark kar sakte hai.

Affordable Aur Achche Doctors! Aap Online Lady Doctor Se Baat Karein Apne Doubts Clear Karne Ke Liye:

Hum isi misconception mein hote hai ki gynecologist to sirf pregnancy se related problems ke liye hote hai. Lekin yeh sach nahi hai. Lady problems ke solution ke liye general physician se nahi lekin gynecologist ko consult karna chahiye. Gynecologist ladies ke body structure, aur problems ko zyada achchhe se jaante hai.

Jab bhi aap apne menstrual cycle mein kisi tarah ki irregularities notice karte hai, tab bina delay kiye aapko health provider ko consult karna chahiye.

Gynecologist Ko Consult Karna Kab Zaroori Ho Jaata Hai?

Menstrual Problems:


Jab bhi aap apne menstrual cycle mein kisi tarah ki irregularities notice karte hai, tab bina delay kiye aapko health provider ko consult karna chahiye. Menstrual irregularities ko ignore karna future mein aap ki pregnancy ko affect kar sakta hai. Jab aap se aapki lady problem doctor koi bhi questions puchte hai, to aapko bina hesitation ke unn questions ka sahi sahi answer dena chahiye. Jisse aap ka ilaaj achchhe se ho sake. Aap jitna accurately apne problem and symptoms ko describe karoge, utna hi accurately and quickly aap ka ilaj possible hai.

Private Parts Mein Problem:


Ladies ko kai baar vaginal itching ya discomfort face karna padta hai. Iske kai reasons ho sakte hai jaise ki cleaning achchhe se na hona, infection, allergy etc. Jab baat private parts ki aati hai, tab ladies/girls ko sharm aati hai, ki hum iss baare mein baat kaise karein. Kabhi kabar gynecologist aapke private part ko dekhkar check karna chahte hai ki problem exactly kya hai, aur tab humein awkward feel hota hai, lekin yeh hum sabko yeh samajhna chahiye ki yeh checking bhi zaroori hai. Private parts ka hygiene aur health kaafi zyada zaroori hoti hai.

Agar breasts se jude bhi koi problems hai, to bhi bina kisi sharam ke gynecologist ko contact karein. Breasts se related problems ko ignore karne se future mein aapke lactation process affect hone ke poore chances hai. Aksar ladies ko apne problems male gynecologist se share karna awkward lagta hai, toh unhe lady gynecologist se consult karna chahiye.

Apne Lady Problems Internet Se Nahi, Online Doctors Se Puchho4.jpg

Painful Period Ya Sex:


Normally menstruation ke time par pain sabko hota hai, but agar aapko aisa feel hota hai ki aapka pain unbearable hai, to pain killers lene se better hai ki aap ek baar apne doctor se salah lein. Agar aapko jyada bleeding hoti hai, to use bhi ignore karna sahi nahi hai. Sexual life discuss karna easy nahi hota hai, lekin agar yeh sex aapko painful lagta hai, ya aapko maza nahi aata hai tab bhi gynecologist ya online doctor ko consult karna preferable hai. Sex body ke pleasure ke liye hota hai, lekin jab sex painful ban jaaye tab use bina kuchh kahe endure karna achchha nahi hai, aapko gynecologist se consult karke us problem ko resolve karna chahiye.

Lady problems koi chhota mota bukhar nahi hai, jo ek dawai lene se thik ho jaayegi. Yeh problems aapko future mein pareshaan kar sakti hai. Isiliye inko ignore na karein aur jald se jald apne lady problem doctor se baat karke unn problems ko resolve karein.

Aur agar aap kisi se baat karna chahte hai apne relationship, sex, period related problems ko leke, toh Bol Behen se puch sakte hai, yaha click kar ke. Aur toh aur healthcare provider ko bhi contact kar sakte hai.