What Is Telemedicine? Iska Use Kaise Karein? | Chhaa Jaa
SRK ne “Kal Ho Na Ho” mein kaha tha, “Pyaar. Pyaar mein zindagi khubsoorat lagne lagti hai.” Lekin ye baat jitni sach hai, utni hi sach ye hai ki pyaar mein aksar ‘oops’ moment bhi ho jaa sakte hain. Isi wajah se, humein apne sexual health ka acche se dhyaan aur full on jaankari rakhni chahiye. Aksar relationship mein woh wale moments se jude issues ya questions ko ek lady doctor hi deal kar sakti hai. Aur toh aur agar tum single ho aur fir bhi dil dimaag mein sawaal hain ya in general Doctor se baat karna chahti ho, toh Lady Doctor hi problems ka best solution de sakti hai!
Lekin kyonki hum ye bhi samajhte hain ki gynacologists se milne mein halka darr lagaa rehta hai. Kisi ko pata chal gaya toh? Doctor ke clinic tak jaaungi kaise? Aise sawaal mann mein aana common baat hai. But ab tumhaari is pareshaani ka ek naya solution aa gaya hai doston. Doctor ko dikhaane ke liye ab kahin jaane ki zaroorat nahi. Phone pe bhi sab ho jaayega, chutki mein🫰!
What Is Telemedicine?
Telemedicine, meaning ek modern technology ka jaadu, jisko use karke tum apne phone pe Doctor ko dikha sakte ho. Aaj kal kai saari services hain telemedicine ki, aur inke kaii saare fayde hain jaise:
a) Video call ya audio call - jo sahi lage woh karo aur apne hisaab se 100% verified vetted aur experienced Doctors (gynecologists ya koi se bhi) se consult karo. Ab phone se sirf dost nahi, Doctor bhi judengey!
b) Line mein intezaar karne ko kaho goodbye .
c) Kahin jaana hai nahi aur har baat rahegi ekdam private toh kisi ko pata chalne ki bhi no tension!.
d) Sabse important, jaise humne upar bhi bataaya, inn services pe sirf gyanecologists yaani lady doctor hi nahi, kaii dusre doctors bhi available hain jin se tum consult kar sakti ho. Jaise, cough and cold ke liye, ya hair and skincare ke liye bhi.
e) Kisi bhi jagah jaane ke liye time nikalne ki tension bhi nahi hai, yaani ab ghar baithe baithe problem ka solution, chutki mein🫰!
Making Online Payment For Telemedicine
Kaii saare online telemedicine platforms, jaise Medibuddy aur Prev, bahot hi aasan aur safe online payment options dete hai. Jaise:
- Card
- UPI/QR
- Netbanking
- Wallet
- EMI
Online telemedicine payment ke inn options ko use karke tum easily apni appointment book kar sakti ho, bina kisi takleef ya tension ke.
Iske saath hi, ye transactions secure bhi hote hain, jisse user ke personal aur financial information protected rehti hai.
Telemedicine Coupons Code Kaise Use Kare?
Chhaa Jaa ke blogs mein humne tumhe bharosemand telemedicine platforms jaise Prev aur Medibuddy se bhi introduce karaya tha. Saath hi inme use karne ke liye Chhaa Jaa ke coupon code bhi diya tha.
Dono Medibuddy (CJ100MB) aur Prev (CJ50) use karna bahot hi aasan hai. Bas yaad rakhna ki final payment se pehle coupon code use karne ke option mein jaake apna code lagaana hai. Iske baad discounted amount jo aayega woh pay karo, aur rakh lo apni health ka dhyaan, chutki mein 🫰!
Conclusion
Toh ab tum jaan gaye ho ki telemedicine kya hai aur iska use kaise karein. Medibuddy aur Prev mein Chhaa Jaa ke codes ka istemaal karo aur zabardast chhoot paao. Toh ab der kis baat ki? Apni health ko priority banao aur apni healthcare needs ko aasaan karo, ghar baithe, chutki mein 🫰!
Abhi phone uthao aur apni health journey shuru karo. Kyonki, Chhaa Jaa ne bola health ka dhyaan rakhne ka, matlab rakhne ka! Samajh gaye naa dost log?
