Safe Sex Kaise Practice Kar Sakte Hain?

Physical relationship

“Meri class mein ek ladka hai jisne mere birthday pe ek surprise party plan kar ke mujhe propose kiya! Hum dono ek dusre ko bahot pasand karte hain aur apne relationship ko agle level pe le kar jaana chahte hain. Mujhe meri friend ne bola ki humein sex ke time safe rehna chahiye par mujhe nahi pata iska matlab kya hai. Mujhe kya karna chahiye?”

  • 18 years old, Jaipur

Hi!

Apna itna personal sawaal humse poochne ke liye bahot bada thank you! Tumhein apne aur apne partner ki health ka khayaal hai, ye bahot hi acchi baat hai. Aur hum bahot khush hain ki tumne itna important step lene se pehle sahi jaankaari lena zaroori samjha.

Jab hum kisi ko pasand karte hain toh unki taraf physically attract hona normal hai. Sex ussi attraction ka hissa hai. Par first time sex karne se pehle safe sex ke baare mein jaanana zaroori hai aur ye bhi jaanana zaroori hai ki tum sex ke liye mentally ready ho ya nahi.

Agar tum apne partner ke saath phyusical hone mein comfortable ho aur khud se apne relationship ko next step par le jaana chaahti ho toh tum mentally prepared ho. Par agar tumhare mann mein doubts hain aur tum comfortable feel nahi kar rahi ho toh tumehin apne partner se iss baare mein khul kar baat karni chahiye aur phir apna next step decide karna chahiye.

Sex se pehle safety ka humesha dhyaan rakhna chahiye. Safe sex dono partners ko kayi Sexually Transmitted Infections (STIs) aur Sexually Transmitted Diseases (STDs) se bacha sakta hai.

STIs STDs

STI’s aur STD’s ke baare mein tum ek lady doctor se khul kar baat kar sakti ho aur woh tumhare har sawaal ka jawaab bhi dengi aur tumhein safe sex kaise practice kar sakte hain ye bhi batayengi.

Safe Sex Kya Hota Hai?

Safe sex ka matlab hai ki tum contraception jaise ki condoms ka use kar ke apne partner ke saath physical ho taaki tum pregnancy se safe reh sako aur tumhein STIs aur STDs hone ka risk naa ke barabar ho.

Par safe sex se pehle sabse zaroori step hai humare partner se khul ke baat karna. Jaise unke pehle koi sexual partners rahe hain ya unhein koi bimaari toh nahi. Tum physical hone se pehle ek lady doctor se consult kar ke apne tests bhi kara sakti ho ye dekhne ke liye ki tumhein koi infection ya koi aur problem toh nahi hai.

Kuch infections aur bimaari jo physical hone se phail sakte hain:

  • HIV (Human immunodeficiency virus)
  • Herpes
  • Syphilis
  • Chlamydia
  • Gonorrhoea
  • Genital warts

Safe Sex Kaise Kare?

Safe sex practice karne ke liye sabse pehle toh humein ye make sure karna chahiye ki hum aur humare partner ki koi STIs aur STDs ki history naa ho aur agar ho toh unhone apna treatment poora kiya ho. Iske alawa condoms ka use karna bahot hi zaroori hai khud ko safe rakhne ke liye. Safe sex practice karne ke liye inn points ka bhi dhyaan rakhna chahiye:

  • Partner Ke Saath Communicate Karo

Apne partner se openly baat karo. Unhe apne pasand aur napasand batao. Saath mein unki bhi preferences poocho aur uski respect karo. Tum ek strong ladki ho aur tumhare partner ko tumhari choices ki bhi respect karni hogi. Safe rehne ke liye apne partners se STI/STD, drugs aur alcohol use ki bhi history poocho. Sex karne se pehle tum dono apna test kara sakte ho jisse kisi bhi tarah ki beemaari doosre partner ko naa phaile.

Yeh conversation thoda awkward ho sakta hai par yaad rakho, tumhari sehat tumhari zimmedaari hai. Tum ye kar sakti ho!

My responsibilities

Humesha condoms use karna

Condoms ek bahot easily milne wala birth control hai jo latex or polyurethane ke bane hote hain. Condoms dono males aur females ke liye aate hain, isliye tumhein jo zyaada comfortable lage, tum woh use kar sakti ho. Aur yaad rakhna ki flavored condoms sirf oral sex ke liye bane hote hain jo kayi tarah ke STIs se bhi bachaate hain. Lekin yeh flavor waale condom vaginal sex ke liye nahi bane hote hain kyonki inmein chemicals added hote hain jo tumhare private parts mein yeast infection kar sakte hain.

  • HPV vaccine

HPV vaccine tumhein sexually transmitted virus se bachaati hai jisse human papillomavirus kehte hain. Har vaccine ki tarah yeh 100% effective toh nahi hai par yeh HPV ke kayi strains aur cancer (cervical, vagina, wagerah wagerah) se bachaati hai. HPV vaccine se tumhein lambe time ki protection milegi. Iske baare mein aur jaanane ke liye tum ek lady doctor se bhi consult kar sakti ho.

  • Apne Sexual Partners Ke Saath Safe Hygiene And Protection Use Karo

Sexual relationships mein safety aur hygiene ka bahot important role hota hai. Ek condom ko ek baar hi use karna chahiye. Koshish karo ki sex ke dauraan koi bhi fluid tumhare partner ke private parts ke andar na jaaye. Aur sex ke baad humesha washroom jaa ke pee karna chahiye.

Safe Sex Ki Importance Kya Hai?

Par safe sex zaroori kyon hain? Chalo jaante hain!

Jaise hum gaadi mein jaate waqt apni safety ke liye seat belt lagate hain, theek ussi tarah sex ke time bhi safety zaroori hai.

Safe sex information

Sex dono partners ke liye ek safe aur comfortable experience hona chahiye. Aur yeh tabhi possible hai jab dono partners ko pata ho ki voh saare safety measures le rahe hain. Iske liye ek dusre se khul ke baat karna aur ek dusre ki pasand aur napasand ka pata hona zaroori hai.

Safe sex mein sahi birth control (contraceptive ya garbh nirodh) choose karne se unchaahi pregnancy ka darr nahi rehta. Lekin ye yaad rakhna zaroori hai ki condoms unchaahi pregnancy aur STI’s aur STD’s dono se tumhein aur tumhare partner ko safe rakhte hain. Isse dono partners khush aur tension free bhi rehte hain kyonki unhe unchaahi pregnancy ki chinta nahi hoti.

Lady doctor

Toh yaad rakhna, prevention is better than cure! Isiliye humesha safe sex hi practice karna!

Aur kabhi bhi koi bhi pareshaani ho, toh ek achi lady doctor se consult zaroor karna. Ab toh tum ye online bhi kar sakti ho. Apni health ka steering wheel ab tumhare haathon mein jo hain.

Aur koi bhi sawaal ho, toh humse zaroor poochna. Kyonki Chhaa Jaa ke saath no sharmana, no ghabrana!

Chhaa Jaa ke saath bane rehne ke liye humein follow karein:

Instagram - https://www.instagram.com/chhaajaa/

Facebook - https://www.facebook.com/chhaajaa

Youtube - https://www.youtube.com/results?search_query=chhaa+jaa

Aur humara girls only facebook group join karna matt bhoolna, jahan full on friends ke saath har time bakbak chalti rehti hai - https://www.facebook.com/groups/667075420473392

Sources:

A Woman's Guide to Safe Sex Basics

Safe Sex: Prevent HIV and Other STDs

Safer Sex Guidelines