6 Virginity Myths, Jo Har Ladki Ko Pata Hone Chahiye

Female virginity se aksar kai saare myths aur confusions jude hote hain jo aksar ek ladki ke mann mein sex ke prati darr paida kar sakta hai. Lekin yeh myths sirf myths hain aur aaj hum inn mein se kuch confusions ko finally clear kar lete hain.

Female Virginity Se Kaunse Myths Jude Hain?

1. Two Finger Test Se Virginity Ka Pata Chal Sakta Hai

Two finger test ek illegal virginity test hai jismein vagina ke muscles ki laxity yaani lacheelapan fingers se test karte hain. Lekin yeh test scientifically proven nahi hai.

2. First Time Sex Mein Hymen Toot Jaata Hai

First time sex karne par hymen toot sakti hai. Par hymen first time sex ke alava sports, masturbation, aur tampons ke use karne par bhi toot sakti hai.

3. Doctors Hymen Se Virginity Pata Kar Sakte Hain

Hymen sex ke dauraan stretch ya toot sakti hai lekin sex ke alaava yeh tissue doosri activities se bhi toot sakta hai. Aur toh aur kai girls mein hymen shuru se hi nahi hota hai. Isiliye hymen dekh ke virginity doctors bhi sahi se determine nahi kar sakte hain.

4. First Time Sex Painful Aur Bleeding Wala Hota Hai

Kyonki first time sex ke dauraan hymen toot sakti hai, isliye halki fulki bleeding aur pain normal hota hai. Lekin yeh zaroori nahi ki har kisi ko pehli baar physical hote time pain ho aur bleeding ho. First time sex mein thoda pain normal hai lekin agar yeh pain bahot zyaada ho toh tumhein apne partner se aur lady doctor se baat karni chahiye.

5. Tampon/Menstrual Cup Se Virginity Chali Jaati Hai

Tampon aur menstrual cup vagina ke andar insert kiye jaate hain. Toh haan, inko use karne pe hymen mein change aa sakta hai, lekin virgin ka matlab hai vo log jo kabhi physical naa hue ho - toh aise mein tampon ya cup se viriginity pe koi asar nahi padta.

6. Acchi Ladkiyaan Virgin Rehti Hain

Virginity ka kisi ke character se koi lena dena nahi hai. Sex karna ya naa karna ek personal aur private choice hai. Har kisi ko apni privacy aur choice pe pura haq hota hai. Agar koi physical hona chahta hai, toh yeh unka personal choice hai aur unki choice ki respect karni chahiye kyonki physical hone ka insaan ke acche ya bure hone se koi connection nahi hai.

Virginity aur sexual health ke baare mein aur jaanane ke liye tum apne lady doctor se kabhi bhi consult kar sakti ho. Lady doctors bina kisi judgement ke tumhare sare sawaalon ke jawaab de sakti hai.

Chhaa Jaa ke saath bane rehne ke liye humein follow karein:

Instagram - https://www.instagram.com/chhaajaa/

Facebook - https://www.facebook.com/chhaajaa

Youtube - https://www.youtube.com/c/ChhaaJaa

Aur humara girls only facebook group join karna matt bhoolna, jahan full on friends ke saath har time bakbak chalti rehti hai - https://www.facebook.com/groups/667075420473392

Sources:

12 Questions About Virginity and Your Hymen Answered by Doctors

Does a woman always bleed when she has sex for the first time? - NHS.

10 Myths And Facts About Virginity And Hymen - Pristyn Care