Kya Garbhnirodh Fail Bhi Ho Sakta Hai?
Garbh nirodh ka koi bhi tarika 100% effective nahin hota hai. Kuch ways 98% se 99% tak effective kahe jaate hain - iska matlab hai ki maan lo 100 log uss tarike ka istemaal karte hain, toh use mein 1 yaa 2 log ke pregnant hone ka chance hai. Lekin yaad rakhna garbhanirodhak tareeke tabhi kaam karte hain, jab pills banane wali company ki instructions follow ki jaaye aur Lady Doctor ki advice ko follow kiya jaaye.
Garbh nirodhak ka aisa kaunsa tareeka hai jo aapke aur aapke saathi dono ke liye sahi ho, saath hi saath anchahi pregnancy se bachaaye bhi, ye decide karna zaroori hai. Lekin kabhi kabhi kuch tarike fail bhi ho sakte hain. Aaiye iss baare mein aur samjhte hain.
Condom Kaise Lagaya Jata Hai?
Jab tak aap chahein tab tak Condom ka istemal kiya jaa sakta hai. Kuch couples kayi saal tak pregnancy ko rokne ke liye condoms use karte hain.
Isliye woh hamesha sex se pehle gents ke ling par Condom ka upyog karte hain. Saath hi kai baari log garbhnirodhak pills ke saath saath hi Condom ka use karte hain taaki STI/STDs se bachaa jaa sake - isse kehte hain dohri surakasha yaani double protection.. Aap Condom ka use long time bhi ho sakta hai ya sirf ek din ke liye bhi- aakhir condom ek effective tareeka hai bina kisi side effect ke pregnancy aur STD ko rokne ka.
Chhaa Jaa laaya hai sab kuch 🫰 mein. Apne phone se judo Doctor se aur pooch daalo saare sawaal Medibuddy ke saath. Humaare coupon code ka use karo aur free mein Doctor se baat karo
Aaiye samajhte Condom kaise lagaya jata hai:
- Pointed kinare se packet ko kholein. Condom flexible hote hain isliye aasani se phaṭate nahi hain. Lekin packet kholte samay thodi saavdhaani rakhein.
- Dekho condom kis taraf khul raha hai. Agar aap isse opposite side se pehnane ki koshish karenge, to yeh ling par nahi chadega. Agar galti se condom galat side se ḍala gaya ho to usse phenk dein.
- Condom ke end ko pakad kar, dheere se erect penis yaani khade ling par slide karein.
- Har baar sex karte samay naye condom ka istemaal karein.
- Ek baat ka khyaal rakhein - kandom/condom sirf ek hi use karein. Kai baar logon ko lagta hai ki do condoms lagaane se zyaada suraksha milegi, but ye sach NAHI hai. Infact, ek saath do condom lagaane se uske fatne ka chance rehta hai.
Kandom Ya Condom Agar Fail Ho Jaaye Toh Kya Karein?
Sex ke dauraan, kabhi kabhi Condom phatt sakta hai. Kayi baar jab aap expired condom ka istemaal karte hain to sex ke beech yeh phaṭt bhi sakta hai. Iske saath hi agar aapne sahi tarike se condom nahin pehna hai to bhi sex karte time par condom phaṭt sakta hai. Kai baar aisa bhi dekhaa gaya hai ki log sex ke dauraan zyaada lubrication ke liye oil ya vaseline ka istemaal karte hain, aisa karne par bhi condom phaṭt jaata hai.
Agar aap garbh nirodh ya contraception ke kisi aur tarika ka use nahin kar rahe hain, (eg: OCP goli), aur condom phatt jaaye, toh aise mein aap emergency garbh nirodhak pill (72 ghante waali goli) use kar sakte hain. Lekin iska istemaal regularly nahi hona chahiye.
Emergency Pill sabse zyaada effective hota hai jab sex karne ke 24 ghanṭon ke andar use kiya jaaye. .
Agar tumhein garbhanirodh aur contraception ke methods se jude sawaalon ka jawab chahiye, to tum apne lady doctor se bejhijhak poochh sakti ho. Ek Lady Doctor tumhari sexual health se jude har sawal ka jawab binaa kisi jhijhak ke de sakti hai. Ya fir tum paas hi kisi Parivar Seva Clinic ki sewaaon ka upyog kar sakti ho!
Chhaa Jaa ke saath bane rehne ke liye humein follow karein:
Instagram - https://www.instagram.com/chhaajaa/
Facebook - https://www.facebook.com/chhaajaa
Youtube - https://www.youtube.com/c/ChhaaJaa
Aur humara girls only facebook group join karna matt bhoolna, jahan full on friends ke saath har time bakbak chalti rehti hai - https://www.facebook.com/groups/667075420473392
Sources :
