Garbh Nirodh Ke Liye Emergency Pills Use Karni Chahiye Ya Nahi?
Aaj kal garbh nirodh ke kai saare options toh zaroor hain. Lekin jitne options hain, unse bhi kai zyaada misconceptions hain. Aisa hi ek contraception method hai emergency contraception pill (ECP). Yaani 72 ghante waali goli. Toh ECP kya hai, aur isse kitni baar aur kaise use kare? Chalo pata karte hain.
ECP Kya Hai?
Ab kabhi bhi kahin bhi ek health quiz bharo, Doctor se OCP yaani regularly li jaane waali garbh nirodhak goli paao, sawaal ho toh Prev ke Lady Doctor se WhatsApp chat karo.
Emergency contraceptive pills (ECP) aise contraceptive pills hote hain jo unprotected sex ke baad pregnancy ko rokne ke liye use kiye jaate hain. Issi vajah se ECP ko “72 Hours waali Pill” ya ‘morning-after pill’ bhi kaha jata hai.
ECPs mein aksar levonorgestrel ya ulipristal acetate hota hai jo pregnancy ko rokne mein help karta hai. Ye goliyaan zyaadaatar bina prescription pharmacy mein mil jaati hain, but inka use kabhi kabhaar sirf emergency mein karna chahiye.
ECP Pill Kab Isstemaal Karni Chahiye?
ECP ek emergency contraception hai jisko as a backup hi use karna chahiye. Inn pills ko regular birth control ke taur par use nahi karna chahiye.
Toh inko kab use kare? Maan lo physical hote waqt condom phatt gaya ho ya birth control pills skip ho gaya ho - aisi situations mein ECP le lene par pregnancy ke chances bahot kam ho jate hain.
Har Baar Bina Protection Ke Sex Ke Baad ECP Isstemaal Kar Sakte Hain?
NAHI. Technically bolein toh har baar unprotected sex ke baad tum ECP ka istemaal zaroor kar sakti ho. Lekin in pills ke thode bahot side effects rehte hain - khaaskar ke tumhare menstrual cycle pe. Is vajah se in pills ko aadatan nahi lena chahiye - kabhi kabhaar sirf emergency mein lo.
Conclusion:
Emergency contraceptive pills ya morning-after pills backup contraception ke taur par use kiya jaate hain. Inn pills ka isstemaal aksar traditional birth control methods ke fail hone par kiya jata hai.
Lekin yaad rakhna ki ECPs sirf emergencies mein hi use hoti hain. Toh agar tum sexually active ho aur condoms jaise birth control methods ka isstemaal nahi karna chahati ho toh aise mein zaroor apni lady doctor se baat karke apne liye ek regular birth control method choose kar lena ek smart choice hoga.
Ek Lady Doctor tumhari sexual health se jude har savaal ka jawab binaa kisii jhijhak ke de saktii hai. Ya fir tum paas hi kisi Parivar Seva Clinic ki sewaaon ka upyog kar sakte ho, ya Bol Behen pe pooch sakti ho!
