Kya Sex Ke Baad, Lady Doctor Se Milna Zaroori Hai?
Har baar sex ke baad ek doctor consultation zaroori nahi hoti hai. Lekin ye yaad rakhna mat bhoolna ki agar tum apni body mein koi bhi change notice karti ho toh apne lady doctor se milna important hota hai. Toh aao jaante hain kaunse changes notice karne par humein lady doctor se milna chahiye.
Sex Ke Baad Lady Doctor Se Milna Chahiye Agar -
1. Pet Ya Pubic Area Mein Bahot Pain Ho Raha Ho:
Sex ke baad pet ya pubic area yaani private parts ke area mein pain kai saare kaaranon ki vajah se ho sakta hai. Kai baar ye STI (jaise PID) ya kisi disorder (jaise endometriosis) ke kaaran bhi ho sakta hai jisko jaldi treat kar lena bahot important hota hai.
2. Bahot Bleeding Ho Rahi Ho:
Sex ke baad agar tum bahot bleeding experience kar rahi ho toh iske kaaran bhi kai saare ho sakte hain jaise STDs, vaginal dryness, ya cancer.
Ab kabhi bhi kahin bhi ek health quiz bharo, Doctor se OCP yaani regularly li jaane waali garbh nirodhak goli paao, sawaal ho toh Prev ke Lady Doctor se WhatsApp chat karo.
3. Urination Mein Pain Ho Raha Ho:
Urination mein pain hone ka sabse major reason hota hai Urinary Tract Infection (UTI). Iska ilaaj aasaan hota hai. Lekin ilaaj nahi karaane pe ye UTI humaare kidney tak mein infection faila sakta hai jo baad mein kidney failure ka bhi kaaran bann sakta hai.
4. Sex Ke Baad Rashes Ya Itching Ho Rahi Ho:
Aksar private parts mein itching ke peeche kaaran vaginal dryness aur allergy hote hain lekin kai baar ye itching STDs aur infection ke kaaran bhi ho sakti hain.
Kya First Time Sex Ke Baad Doctor Se Milna Chahiye?
Halaanki agar tum sexually active ho toh at least saal mein ek baar STDs ke liye test karwana chahiye, lekin agar pehli baar physical hue ho, aur koi change nahi notice kar rahe ho toh aise mein lady doctor se turant milna zaroori nahi hota hai.
Sexual health se jude kisi bhi sawaal ka jawab tum apne lady doctor se bejhijhak puch sakti ho. Koi problem ho na ho, apne reproductive health ke baare mein hamesha aise hi curious rehna aur dhyaan rakhna ek bahot hi acchi aadat hoti hai.
Chhaa Jaa ke saath bane rehne ke liye humein follow karein:
Instagram - https://www.instagram.com/chhaajaa/
Facebook - https://www.facebook.com/chhaajaa
Youtube - https://www.youtube.com/c/ChhaaJaa
Aur humara girls only facebook group join karna matt bhoolna, jahan full on friends ke saath har time bakbak chalti rehti hai - https://www.facebook.com/groups/667075420473392
Sources :
6 Signs You're Having Painful Sex and Should See a Doctor
Bleeding After Sex: What You Need to Know
Is there any medical care a girl should get after she loses her virginity?.
