Nirodh Istemal Karne Se Sex Ke Dauraan Koi Problem Hoti Hai?
Nirodh, ya condom, duniya ka sabse commonly istemaal kiye jaane waale contraceptives mein se ek hai. Lekin condom toh ek barrier ki tarah kaam karta hai na? Toh kya ise use karke sex karne mein koi farq aata hai? Chalo janate hain.
Condom Istemaal Karne Se Satisfaction Nahi Hota Hai Kya?
Sex ke dauraan condom use karne par log aksar satisfy nahi hote hain. Ye kaii baar plain, mota, aur boring condoms use karne ke vajah se hota hai. Toh condom ko kaise interesting aur satisfying banaye?
Aaj kal market mein condoms ke kai saare options hai. Patla, dotted, flavored, aadi. Agar tum sex ke dauraan satisfied nahin hone ke baare mein concerned ho, toh apne partner ke saath openly share karke naye condoms explore karne ka try karke dekho.
Chhaa Jaa laaya hai sab kuch 🫰 mein. Apne phone se judo Doctor se aur pooch daalo saare sawaal. Medibuddy ke saath. Humaare coupon code ka use karo aur free mein Doctor se baat karo
Males Ko Nirodh Istemaal Karna Achha Kyon Nahi Lagta Hai?
Halaanki condoms contraceptives mein se safest option hai, aksar condom se jude logon ke opinions bahot differ kar sakte hain. Yaani kuch males ko condoms use karna pasand ho bhi sakta hai ya naa bhi.
Kuch logon ka manna hai ki condoms ki textures ek special sensation arouse karta hai. Jab ki kuch log ye kahte hain ki jab vo log kandom ka istemaal karte hain toh vo apne partner se ek prakaar ka doori experience karte hain.
Experts ka manna hai ki males aksar condoms ke istemaal par satify isiliye nahi hote hain kyonki unhe bina condom ke masturbate karke ek ‘better’ sensation ki aadat par jaati hai.
Condom Kyon Use Kare?
Garbh nirodh ke liye options toh kai saare hai, lekin agar tum pregnancy ke saath STDs se bhi bachna chahti ho, toh tumhare liye ideal contraceptive sirf condoms hai.
Condom Kitne Effective Hote Hain?
Sahi tarah se istemaal karne par male condoms 98% effective ho sakte hain. Jab ki female condoms takreeban 95% effective hote hain.
Conclusion:
Contraceptive options mein ek condom hi aisa hai jo hume STD se bacha sakta hai. Lekin aksar condoms ko log unsatisfying manate hain jiska ek solution hai ki different condoms explore karke ek perfect condom dhundhna.
Apne partner ke saath sexual activity related koii bhi concern share karne par tum dono ke beech pehle se kaii jyaada kareebi aa sakti hai.
Ek Lady Doctor tumhari sexual health se jude har savaal ka jawab binaa kisii jhijhak ke de saktii hai. Ya fir tum paas hi kisi Parivar Seva Clinic ki sewaaon ka upyog kar sakte ho, ya Bol Behen pe pooch sakti ho!
