back
article

6 Tareekein Pregnancy Ko Avoid Karne Ke Liye - Lady Gynecologist Approved


Lady Gynecologist Approved.jpg


“Pregnancy? Sex? shhhhh… ye kya puch rahe ho? Hawwww...ye sab baatein tumhe shobha deti hai?”

Humein kabhi kisi ne sex ke baarein khul ke nahi bataya aur jab humne sawal puchne chahe toh sharam ne rok liya, lekin humara sex aur apni body ke baarein mein janna zaroori hai. Toh sharmana aur ghabrana chorh kar sawal puchna shuru karte hai!

Sex ek bahut hai natural activity hai jiske baarein mein khulke baat nahi ki jaati, par hum sabko sex aur usse judi sahi information ki knowledge hona zaruri hai.

Ye zaruri nahi hai ki aapke jaan pehchan ke logo ko sex se related sari sahi information hi pata hogi, na hi ye zaruri hai ki aapko internet par sari dhanki jaankari hi milegi. Isiliye sahi knowledge sahi jagah se lena zaruri hai.

Agar aapko sex aur contraceptive ke baarein mein sach janna hai toh aap aage padhte rahiye, aur agar aapko kisi lady gynecologist se iss baarein mein baat karni hai toh link click kare. Agar aap 18 saal se upar ki age par hai toh aap doctors se akele consult kar sakte hai.

Kese bachna chahiye unchahi pregnancy se? Avoid pregnancy naturally ya contraceptive ka istemal karein? Konsa tarika zayda faydemand hai? Chaliye, unchahi pregnancy avoid karne ke aur khud ko safe rakhne ke baarein mein aur jaante hai.

pic1.jpg


Pregnancy Avoid Kaise Karein:

Myths:-

. First Time Sex:

First time sex ko experience karna bahut hi awkward ke saath saath bahut hi special hota hai. Sex ko lekar hum sabke mann mein kai doubts hote hai, kesa feel hoga kitna pain hoga? ya pregnancy ka darr.

Koi log aisa maante hai ki pehli baar sex karne se pregnant hone ke chances kamm hote hai par ye galat hai. Aap chahe pehli baar sex kar rahe ho ya dusri, uska pregnancy se koi lena dena nahin hai.

Pregnant hona ovulation par nirbhar karta hai. Ovulation/Andotsarg ke waqt, agar aap sex kar rahe hain, phir chahe woh pehli baar hi kyu na ho, pregnancy ke chances pure hote hai. Ovulation period ke bare mein zyada jan ne ke liye aap online lady gynaecologist ki help le sakte hain ya yaha par click karke jaan sakte hai.

. Periods Ke Waqt Sex:

Agar aapko kisi ne yeh kaha hai ki periods ke waqt sex karne se pregnant hone ke chances nahi hote, toh iss baat ka bilkul vishwas na karein. Ye galat information hai. Periods ke waqt pregnant hone ke chances kamm zarur hote hai par hote hai.

. Ejaculation Hone Se Pehle Male Private Part Ko Bahar Nikaal Lena/ Pani Nikalne Se Phele Male Private Part Ko Bahar Nikal Lena:

Bahut log aapko suggest karenge ki ejaculate karne se pehle agar male private part ko bahar nikal liya jaye toh pregnancy ke chances nahi rehte, par ye bhi galat information hai.

Ejaculation se pehle bhi ling se paani nikalta hai, isse “pre cum” bhi bola jaata hai, aur iss paani mein bhi sperms hote hain. Agar ye pre cum bhi aapke private parts ke andar chala jaaye, toh bhi pregnant hone ke chances rehte hai.

Contraceptive Methods Se Unchahi Pregnancy Avoid Karein:

Jese sex 2 logo ke beech mein hota hai wese hi contraceptive ke bhi 2 tarike hote hain. Ek jiska istemal ladkiya kar sakti hai, aur dusri jiska istemal ladke kar sakte hai.

pic2.jpg

Contraceptive Methods:

  1. Pills:

Kya aap bina sar dard ke bhi, sar dard ki medicine khayege? Nahi na? Ussi tarah contraceptive pills ya emergency pills ko bhi bina baat ke nahi lena chahiye. Jesa naam wesa kaam, emergency pills ko regularly istemal nahi karna chahiye. Emergency pills ko condom ke phatne par hi use karein kyuki inka regularly istemal karne se kafi sare side effects ka samna karna padh sakta hai. Emergency pills ko unprotected sex ke 72 ghante ke andar lena hota hai.

2. Female & Male Condoms:

Jaise ladko ke liye condoms hote hain, ussi tarah se ladiyo ke liye bhi condoms hote hain. Female condoms ko private parts ke andar dala jata hai sex karne se pehle taaki sperm private parts ke andar na jaa sake aur condom mein reh jaye.

Male condoms pregnancy avoid karne ke liye sabse zyada popular aur best contraceptive method hai. Condom rubber se bana, balloon jaisa hota hai, jisse male private part par pehna jata hai. Condom male ejaculationa aur pre cum ko female private parts ke andar jaane se rok deta hai, isse pregnancy avoid ki jaati hai.

Condoms aapko sirf unchahi pregnancy se nahi bachata, uske saath saath aapko STI’s aur STD’s se bhi bachata hai. Condoms best contraceptive method hai khudko sex ke waqt safe rakhne ke liye.

pic33.png

3. Depo-Provera/Birth Control Injections:

Depo- Provera ek injectable contraceptive method hai, isme ek hormone “progestin” ko injection ke through aap ki body mein dala jata hai. Iss injection ko har 3 mahine mein ek baar lena zaroori hota hai taaki hormone ka assar bana rahe.

Kai log ye injection lena prefer karte hai kyunki isse periods mein hone wala pe dard kam ho jata hai aur blooding ka flow kam ho jata hai. Lekin iska matlab ye nahi hai ki aap condoms ka istemal na kare. Depo-provera aapko unchahi pregnancy se toh bacha sakta hai par STI’s aur STD’s ke khatre se aapko condom hi safe rakh sakta hai.

Yeh injection lene ke liye lady gynaecologist se consult karna zaruri hai.

pic4.jpg

4 Spermicide/Shukraanunaashak:

Spermicide ek aisa contraceptive method hai jo alag alag forms mein aata hai, jese ki cream, gel, aur foam. Ye sperm ko aapke uterus ke andar eggs tak jaane se rokta hai. Spermicides ko humesha condom ke saath use karna chahiye kyuki aisa karne se iski effectiveness barh jaati hai aur aap sex ke time hone wale infections se bach sakte hai.

Spermicide aapke uterus ki opening ko block kar deta hai aur sperm ko andar jaane se rok deta hai. Spermicide ko apne private parts ke andar ek applicator ka use karke lagana hota hai. Iss gel ya cream ko sex ke 10 se 15 minutes pehle lagana hota ha, kuch gels 1 ghante tak kaam karte hai aur kuch 6 ghante tak, toh inka kitni daer tak use kar sakte hai aapko instructions mein dekhna hoga.

Iss contraceptive ko use karne ke liye bhi aapko lady gynaecologist consult karna chahiye.

Hamesha yaad rakhe, “Prevention is better than cure.” Pregnancy ko avoid karne ka sabse best tarika hai ki aap kabhi bhi bina protection ke sex na karein. Itne saare contraceptive methods hain, unme se jo aapko aapke liye best lage, usse aap ek lady gynecologist ke proper guidance ke under follow karein.

Agar aapko apne area mein lady gynecologist dhoondne mein dikkat ho rahi hai to link par click kare. Aur agar aap apne hi tarah unn logo se baat karna chah rahe hai jo in sab sawalon se related jawab dhundh rahe hai toh aap idhar click kare.