Kya Menstrual Cup Ya Tampons Use Karne Se Virginity Jaa Sakti Hai?
Kyonki tampon aur menstrual cups humaare vaginal canal ke andar lagaye jaate hain, in par baat karte samay har baar virginity khone ka sawaal khada hota hi hai. Toh kya non-sexual penetration se virginity jaa sakti hai? Chalo pata ka rte hain.
Menstrual Cup Aur Tampon Kya Hain?
Menstrual cup aur tampons ek tarah ke menstrual products hain jinko vaginal canal ke andar daalne ke liye design kiya jaata hai.
Tampons pads ke tarah hi absorb karne waala product hota hai jisko vaginal canal ke andar insert kiya jaata hai.
Menstrual cups bhi vaginal canal ke andar hi daalkar use karte hain lekin ye cups medical-grade silicon, rubber, ya latex se banaaya jaata hai, jiska matlab hai isko baar baar istemaal yaani reuse kar sakte hain.
Kya Tampon Ya Menstrual Cup Use Karne Se, Main Virgin Nahi Rahungi?
Virginity ek social construct hai. Ek insaan virgin tab tak kehlata hai jab tak usne sex naa kiya ho. Aur kyonki menstrual cups aur tampons non-sexual hote hain, inko use karne par koi apni virginity nahi kho sakta.
Kya Virgin Girls Tampon/Menstrual Cup Use Kar Sakti Hain?
Virgin girls bilkul tampons aur menstrual cups ka istemaal kar sakti hain. Menstrual cups aur tampons first time use karne par thoda uncomfortable mehsoos karna kaafi normal hota hai. Agar tum iss se deal karna chahti ho toh humare inn tips se tum apne first time tampons ya menstrual cups use karne ke experience ko thoda behtar bana sakti ho:
- Chhote size ke menstrual cups aur tampons ka use karna
- Insert karte waqt mentally relax karna
- Water based lubricant use karna
- Periods se pehle insertion ka practice karna
Tampons, menstrual cups, aur aisa hi kai saare sexual health se jude sawaalon ko tum apne lady doctor se bhi bejhijhak pooch sakti ho. Ek lady doctor female reproductive health ki expert hoti hai voh tumhaare har sawaal ka jawaab bina kisi judgement ke de sakti hai.
Chhaa Jaa ke saath bane rehne ke liye humein follow karein:
Instagram - https://www.instagram.com/chhaajaa/
Facebook - https://www.facebook.com/chhaajaa
Youtube - https://www.youtube.com/c/ChhaaJaa
Aur humara girls only facebook group join karna matt bhoolna, jahan full on friends ke saath har time bakbak chalti rehti hai - https://www.facebook.com/groups/667075420473392
Sources:
Can tampons cause me to lose my virginity? | Menstrual Hygiene, Sex, Virginity and more | Pee Safe Blogs blog
How To Use A Menstrual Cup? Will You Lose Your Virginity If You Use It? - SheThePeople TV
Will using tampons make me not a virgin?
Can Virgins Use Menstrual Cups? – The Period Co.
