Period ke dauraan sex karne ke phaayade aur nukasaan

“ Meri friend ne pehli baar sex kiya hai, aur use zyaada knowledge nahi hai ki sex kab karna chahiye. Ye toh pata hai ki agar period aate hain toh pregnancy ka darr nahi, lekin use ye jaanna hai ki sex period ke aane se pehle karna chahiye ya baad mein? Online search karne pe kuch samajh nahi aa raha hai.”

20 year old girl from Kolhapur

Hi!

Sabse pehle toh thank you hum par trust karne ke liye aur apna sawaal bejijhak poochne ke liye! Yeh bahot achhi baat hai ki tum apni dost ki madad karna chahti ho aur tumne itna brave hoke apna itna personal sawaal humse poocha. Aao ab tumhare sawaal ka jawaab dete hain.

Safe Sex Kya Hota Hai? Aur Uski Importance Kya Hai?

Jab baat sex ki aati hai, condoms tumhare best friends hai. Condoms sirf tumhein unchahi pregnancy se hi nahi balki sexually transmitted diseases aur infections (STD/STDIs) se bhi protect karte hai. Apne aap aur apne partner ki safety aur health ke liye humesha condom ka use karna chahiye.

Safe sex ke wajah se STI/STD ke chances kam hojaate hain. Condoms ya birth control pill se pregnancy avoid ki jaa sakti hai. Iske alaava contraception yaani ki garb nirodh ke doosre tareeke bhi hain jaise ki diaphragm aur contraceptive injection.

Aur haan, penetrative sex ke dauraan flavoured condoms ka istemaal karne se private parts mein reaction ho sakti hai aur infections aur itching ka risk badh jaata hai. Isiliye behetar hai ki iss time tum flavourless condoms ka istemaal karo taaki tum infection ke risk se bachi raho.

Prev ek app hai jo Chhaa Jaa ke 100% verified stamp ke saath aati hai. Iss app ka istemaal karke aap Garbh Nirodhak Goliyon ki ek amazing subscription le sakte ho, jiske chalte har mahine inn goliyon ka packet aapke choice ke address pe pahonchega.

Safe sex kab kar sakte hain?

Sab se pehle tumhara ye janna zaroori hai ki sex ke time condoms ka istemaal karna zaroori hai. Agar sex bina condom ke istemaal kiye hua hoga, toh pregnancy hone ke chances zyaada ho jaate hain.

Safe sex tum apne cycle ke kissi bhi din par kar sakti ho. Agar sex ke samay condom ka istemaal kiya gaya hoga toh pregnancy se bacha jaa sakta hai. Par agar tum extra safe hona chahti ho toh ovulation ke start hone se pehle sex karna safe maana jaata hai kyunki iss time par egg release nahi hua hota hai. Lekin iss baat ki koi guarantee nahi hai kyunki pregnancy ovulation shuru hone ke 5 din pehle aur 1 din baad tak ho sakti hai. Isiliye hamesha sex karte time condom use karna zaroori hota hai taaki tum har samay safe aur healthy sex enjoy kar sako.

Ovulation shuru hone ke pehle tum wet aur stretchy white discharge notice karogi aur ovulation ke samay yeh discharge raw egg whites jaise dikhega aur feel karega. Iske alava bloating, cramps, breast tenderness etc bhi ovulation ke kuch symptoms hai.

Period ke kitne din pehle aur kitne din baad sex karne se pregnant hone se bacch sakte hain?

Humara menstrual cycle alag alag phases mein divided hai. Inmein se kuch phases ke dauraan pregnancy ka chance high hota hai aur kuch phases ke dauraan low. Lekin cycle mein aisa koi din nahi hota jab pregnancy ka chance bilkul 0 ho. Menstrual cycle period ke first day se shuru hokar next period ke ek din pehle tak continue rehta hai. Iss cycle ke 15th day ke aas paas ovulation hota hai aur ovulation ke 5 din pehle se fertility window activate ho jaati hai. Iss time par pregnancy ka chance high hota hai. Ovulation ke baad agar egg cell fertilise ho toh voh embryo bann jaata hai aur agar fertilise naa ho toh dissolve hoke blooding ke form mein body se nikal jaata hai. Ovulation ke baad, periods ke dauraan aur periods ke baad fertility sabse kam hoti hai yaani pregnancy ka chance kam hota hai.

Toh haalanki tumhe apne cycle ke har phase mein protected sex hi practise karna chahiye, periods khatam hone ke baad ke kareeb 5 din tak aur ovulation aur period ke beech ke 15 din, sex karna sabse safe ho sakta hai kyunki in phases mein fertility kam hoti hai. Par iss calculation ke liye tumhe apna period cycle kareeb se track karte rehna hoga.

Kya periods ke baad sex karna safe hai?

Periods khatam hone ke baad kareeb 5 dinon tak fertility sabse kam hoti hai. Iska matlab apne cycle ke day 10 tak yaani fertility window activate hone ke pehle tak, tumhare pregnant hone ka chance bahot kam hota hai. Toh isiliye periods ke baad sex karna safe maana jaa sakta hai. Par yeh hamesha yaad rakho ki apne cycle ke kissi bhi din par unprotected sex karne se tum pregnant ho sakti ho. Isiiye chahe kuch bhi ho, hamesha condom use karo taaki tum tension free aur safe sex enjoy kar sako.

Kya Lady Doctor Se Consult Karna Zaroori Hai?

Agar tumne unprotected sex kiya hai toh daro mat, tum apne sawaal ek lady doctor ya online lady doctor ya gynecologist se bhi pooch sakti ho. Woh tumhari problems ko sunke tumhe sahi solution bhi dengi.

Safe sex practice karne ka koi ek perfect time nahi hota. Jab tak tum khud ko condoms ya doosre contraceptive methods se protect karo, sex kabhi bhi kar sakti ho. Fark bass itna hai ki ovulation ke pehle aur apne last period cycle ke khatam hone ke beech ke time mein pregnancy ke chances kam hote hain aur ovulation ke time par zyaada hote hain.

Yaad rakho, koi bhi sawaal ho, chaahe woh sex se related ho ya periods se, ek lady doctor se bina kisi sharam ke consult karna chahiye.

Aur yaad rakhna, Chhaa Jaa ke sath no sharmana, no ghabrana!

Chhaa Jaa ke saath bane rehne ke liye humein follow karein:
Fikar Not Webseries yaha dekhe - Fikar Not | Season 1 | Chhaa Jaa - YouTube

Instagram - Chhaa Jaa (@chhaajaa) • Instagram photos and videos

Facebook - Chhaa Jaa - Home | Facebook

Youtube - Chhaa Jaa

Tum hamare What’sApp ke chatbot se bhi apni body aur health se jude sawaal bhi pooch sakti ho - Bol Behen | What'sApp

Aur humara girls only Facebook group join karna matt bhoolna, jahan full on friends ke saath har time bakbak chalti rehti hai - Bak Bak Gang | Facebook